गोपनीय अहवाल लिहिण्याचे आणि सादर करण्याचे वेळापत्रक
गोपनीय अहवालाचे कोरे नमुने देणे
प्रत्येक वर्षी १ एप्रिल या दिवशी सर्व आस्थापना अधिकाऱ्यांनी त्यांच्या कार्यालयातील अधिकारी/कर्मचारी यांना त्यांच्या गोपनीय अहवालाचे कोरे नमुने (PAR/CR) पत्राद्वारे अथवा हस्तबटवडयाने पोहोचवून द्यावेत.
स्वयंमूल्य निर्धारण अहवाल कसे लिहावेत?
संबंधित अधिकारी/कर्मचारी यांनी सदर गोपनीय अहवालाच्या नमुन्यामध्ये त्यांचे त्या कालावधीतील स्वयंमूल्यनिर्धारण अहवालात फक्त ठळक वैशिष्ट्यपूर्ण व उल्लेखनीय कामगिरीचा उल्लेख करावा. संदिग्ध विधाने टाळावीत व नेमके विधान करावे. कामगिरीबाबतचे अभिप्राय दिलेल्या जागेएवढेच मर्यादित ठेवावेत. काहीही सहपत्रे त्यासोबत जोडण्यात येऊ नयेत. स्वयंमूल्यनिर्धारण अहवाल परिशिष्ट-ब (भाग-३) मध्ये अर्ध्या पानातच लिहावा.
स्वयंमूल्य निर्धारण अहवाल सादर करण्याची मुदत
असे स्वयंमूल्यांकन भरलेले गोपनीय अहवाल संबंधित अधिकारी/कर्मचारी यांनी त्यांच्या प्रतिवेदन अधिकाऱ्यांकडे १५ एप्रिल २०१६ पर्यंत सादर करावेत.
प्रतिवेदन अधिकाऱ्याने गोपनीय अहवाल लिहून सादर करण्याची मुदत
प्रतिवेदन अधिकारी यांनी परिशिष्ट ब (भाग-४) लिहून पुनर्विलोकन अधिकाऱ्यांकडे ३० एप्रिल २०१६ पर्यंत सादर करावेत.
पुनर्विलोकन अधिकाऱ्याने गोपनीय अहवालाचे पुनर्विलोकन करून संस्करण अधिकाऱ्याकडे सादर करण्याची मुदत
पुनर्विलोकन अधिकान्यांनी परिशिष्ट ब (भाग-५) पूर्ण करुन गोपनीय अहवाल संस्करणासाठी, संस्करण
अधिकाऱ्यांकडे दि. १५ मे २०१६ पर्यंत सादर करावेत.
संबंधित शासन निर्णय
१. शासन निर्णय, सामान्य प्रशासन विभाग क्र. सीएफआर-१२१०/प्र.क्र.४७/२०१०/तेरा.दि.०१/११/२०११
२. शासन निर्णय सामान्य प्रशासन विभाग क्र. सीएफआर-१२११/प्र.क्र.२१७ /तेरादि.१७ डिसेंबर २०११
No comments:
Post a Comment